Айдамиров Абузар — Нохчалла.com — Чечня, чеченцы, обычаи, традиции, история и многое другое
Биографии на чеченском языке

Айдамиров Абузар

 

Айдамиров А. Абдулхакимович  вина  1933 — чу шарахь  НажинЮьртан  районерчу  Мескитахь, ахархочун  доьзалехь. Юьхьанцара  школа  шайн  юьртахь  чекхъяьккхина  цо.

Жимчохь  д1аболабелла  Айдамировн  къинхьегаме  некъ. 1957 – чу  шарахь  Мескитарчу  школе  нохчийн  метанлитературан, историн  хьехархочун  балха  вахийтира  иза.

НохчГ1алг1айн  пачхьалкхан  педагогически  институтан  историкофилологически  факультет  чекхъяьккхира  цо  1963 –чу  шарахь.

Дуьххьарлера  цо  язъина  стихотворении   «Лермонтовн  безамна»  зорбане  елира  1956 – чу  шарахь «Винчу  лаьмнашкахь» ц1е  йолу  книги  т1ехь  зорба  тоьхна  ю  стихотворенеш: «Даймохк», «Винчу  лаьмнашкахь», «Бералла», «Ясин  тог1ехь», «Ненан  мотт», «Х1ай  буьйса», «Бехк  ма  Билла»  дуккха  а  кхиерш  а. Цо  язъина  цхьайолу  стихаш  халкъан  эшаршка  йирзина, масала: «Винчу  лаьмнашкахь», «1аьржа  буьйса», «Езачу  йо1е», «Воккхачу  стеган  илли», «Хьайна  лаахь», «Даймохк» иштта  кхин  а.

Яздархочун  «Лаьмнашкахь  серло», «Тхан  эвлахь», «Лаьмнийн  некъашкахула»  ц1ераш  йолу  книгаш  т1ера  дукхахйолу  произведенеш  а  ю  юьртан  таханлера  дахар  гойтуш. Айдамиров  Абузар  юьртахь  вехаш  ву. Юьртан  дахар – цуьнан  дахар  ду. 

3 комментария

Оставить комментарий